Bikote planak

Donostia helmuga ezin hobea da bakarrik erlaxatzeko edo zure bikotekidearekin irtenalditxo erromantiko bat egiteko

Bere natura-inguruneari eta XX. mendearen hasierako hirigintza-garapenari esker, Donostia edertasun paregabeko agertoki bat da, bikotekidearekin irtenalditxo erromantiko honetan munduaz ahazteko eta egun atsegin batzuez gozatzeko bikaina. Horrez gain, hiriak baliabide ezin egokiagoak eskaintzen dizkizu maite duzun horrekin egun berezi horiek kalitate eta goxotasun handienaz aprobetxatzeko: talasoterapia-zentroak, hotel xarmagarriak, kalitate handiko jatetxea, ibilbide zoragarriak eta plan erromantikoak.

 

Kantauriko Perla

La PerlaLa Perlako igerileku nagusia, Kontxako badiarako ikuspegiarekin

Kontxa hondartzan dagoen La Perla talasoterapiak ehun urte daramatza bisitari guztiei osasuna, ongizatea eta atsedena ziurtatzen.

Giro erromantikoan, joan den mendearen hasierako eraikin eklektiko baten babespean -Europako nobleziarentzako eraiki zen eta Kontxako badiarako ikuspegi paregabea eskaintzen du-, 4.500 metro karratuko azalera eskaintzen ditu mota orotako tratamenduetarako teknologiarik modernoekin: osasun- eta edertasun-tratamenduak, fisikoa lantzeko eta kirola egiteko zirkuituak... Erabateko ongizatea itsas uraren bitartez.

 

Ostataleku xarmangarriak

Maria Cristina hotelaMaria Cristina hotela

Turismo-helmuga den aldetik Donostiak duen erakargarritasuna osatzeko, hiriak ostataleku xarmagarri ugari ditu. Ostataleku horietako batzuk bereziki prestatuta daude zure asteburu erromantikoari behar duen bakea eta goxotasuna emateko, eguneroko bizimodua ahaztuta zure bikotekidearekin erromantizismoz goza dezazun: bost izarreko hotelak, XIX. mendeko eraikin erromantikoak, ondare historiko izendatutako etxeak, hiri zinematografikoa izaki glamourrez betetako eraikin modernoak…

 

 

EGUN BEREZIETARAKO JATETXEAK

San Sebastián románticaCena romántica en Bokado

Gure sukaldariek errezetak eta produktuak zaindu eta goxatzen dituzte, gastronomia arte bihurtzeko. Horrez gain, Donostiak begiratu bakarrean giro erromantikoa antzematen zaien jatetxe bereziak ere baditu. Espazio intimo eta goxoak sortzeko prestatutako jatetxeak, etxean egindako afarietan izaten den giro intimoa eskainita, bikotekidearekin afari erromantikoa egin dezazun. Itsasorako ikuspegi zoragarria da, hain zuzen ere, kalitate handiko jatetxe erromantiko eta bikain horien bereizgarria.