Kirol ekipamenduak

ANOETAKO ESTADIOA

Anoeta de nocheAnoetako Estadioan jokatzen ditu partidak Realak

 

Anoetako estadioa 1993. urtean inauguratu zen, bertan Atletismoko Europako Junior txapelketa egiteko. 32.000 leku ditu eta Realak erabiltzen du batik bat. Dena den, bertan ikuskizun eta ekitaldi ugari egiten dira, hala nola kontzertuak, errugbi-partidak, azokak, jaialdiak...

Atletismoko pista bat du zelaiaren inguruan, eta kategoria goreneko estadioa da UEFAren sailkapenaren arabera (UEFA Champions League txapelketaren finalak egiteko aukera daitezkeen estadioen artean dago).

 

 

HIPODROMOA

HipodromoLasterketa Lasarteko hipodromoan

 

Urteko hilabeterik beroenetan, apustuen munduak Anoetako Estadioan egiten du bat. Zaldi-lasterketek, batez ere Urrezko Kopak, Le Defi du Galop izen handiko lehiaketaren barnean jokatzen denak, ehunka jokalari eta ikusle erakartzen ditu, udako arratsalde bizi horietan une atsegina pasatzeko gogoz.

 

 

Galarreta Pilotalekua

partido-fronton-galarretaGalarreta pilota lekuan zesta-punta partida

 

Galarreta Jai Alai Pilotalekuan 1970.etik erremonte eta zesta-punta modalitateetako pilota partidak jokatzen dituzte. Hernanin aurkitzen den pilotalekua luzea da, 54x10 metrokoa eta bere gehienezko altuera 10 metrokoa da. Hormigoi leuneko zorua dauka, estalita dago eta 1.140 ikusleentzako lekua dauka. Erremontea zestaz jokatzen den euskal pelotaren modalitaterik ikusgarrienetakoa da, teknikak eta pelotariek zestak pelotari ematerakoan lortzen den abiadurak lehentasuna dutelarik.

 

 

Atano III.a pilotalekua

Atano IIIPartido Atano III

 

Anoetako kirol-zonan dago pilotaleku motz hau, futbol-estadioaren ondoan. Esku-pilota jokatzen da bertan, eta pala, paleta eta frontenisa ere bai, noizean behinka. Estalita dago eta hormigoi leundukoa da. 2.353 ikuslerentzako edukiera du eta 1963an eraiki zuten, Gipuzkoako hiriburuko profesional eta zaletu ugarien eskari handiari erantzuteko. Anoeta Pilotalekua izena zuen hastapenetan, baina 1995ean birmoldatu egin zuten eta Atano III.a Pilotalekua izena jarri zitzaion, historian ezagutu den pilotaririk onenetakoaren omenez. Urte askotan bertan jokatu da banakako finala, hain zuzen ere euskal pilotaren hitzordu garrantzitsuena dena.

 

 

Karmelo Balda pilotalekua

Frontón Carmelo BaldaFrontón Carmelo BaldaVidriera Frontón Carmelo BaldaVidriera Frontón Carmelo BaldaFotos: Ketari (Licencia CC 3.0 BY-SA)

1974an inauguratu zuten eta pilotari handi eta Euskal Pilotaren Nazioarteko Federazioaren sortzaile izan zen Karmelo Baldari zor dio izena. Eraikina nahiko berezia da. Luis Jesús Arizmendi Amiel udal-arkitektoak eraiki zuen 1974ko Munduko Pilota Txapelketetarako. Ageriko hormigoian dago eraikia eta pilota-modalitate desberdinak irudikatzen dituzten beirateak ditu apaingarri gisa.

 

 

Txuri-Urdin IZOTZ JAUREGIA

txuriurdinTxuri-Urdin Izotz Jauregia kanpotik

 

Txuri-Urdin izotz-jauregiak ikaragarrizko izotz-pista du, bertan azken modako musikaren erritmoan patinatzeko.

Alabaina, eserlekutik altxatu gabe ikuskizun paregabea ikusi nahi baduzu, ez kezkatu. Txuri Urdinen izotz-hockeyko partidak ere egiten dira.

 

 

DONOSTIAKO TENIS ELKARTE ERREALA

tenisDonostiako Tenis Elkarte Errealaren instalazioak

 

Ehun urte baino gehiagoko ibilbidea egina duen Donostiako Tenis Elkarte Erreala gure hiriko tokirik polit eta xarmagarrienetako bat da. Kontxako badiaren ertzean dago eta paddleko eta teniseko pista estaliak ditu, gimnasioa, jarduera-aretoak/fitnessekoak… Gainera, jarduera sozial handia du urte osoan.

 

 

HEGALAK

Hegalak

Pertsonen ongizatearentzat diseinatuta dagoen kiroldegi ibilerraztasun eta unibertsala. Kontxako hondartza ondoan eta Donostiako hiri erditik metro gutxira kokatuta. Bere instalakuntzak eta eskeintzen dituen zerbitzuak teknologi, biomekanika eta kirol mailan Europako erreferentzi dira. Hegalakek hiru igerileku, hondartzara irteera zuzena, spa bat, balioaniztun gelak eta kirol mediku, nutrizionista eta fisioterapeutaz osatutako osasun guneak ditu. Pertsonen osasunaren hobekuntzan eragina duen norbanakoari zuzendutako diziplina anitzeko zerbitzua eta hiria bisitatzen dutenentzat ere aisialdiko aukera ugari eskeintzen ditu.

 

KIROLDEGIAK

tenisDonostiako Tenis Elkarte Errealaren instalazioak

 

Donostiak 14 udal-kiroldegi ditu, denak ere mota guztietako kirol-pistaz hornituak: belodromoa, atletismo-pista, saskibaloi- eta eskubaloi-jokalekua, igerileku olinpikoa, paddle-pistak...

 

 

AIRE ZABALEKO KIROLGUNEAK

tenisDonostiako Tenis Elkarte Errealaren instalazioak

Eguraldiak aukera ematen duenean, zer hoberik aire zabalean kirola egitea baino. Udalak sarrera libreko kirol-ekipamenduak ditu hiriko auzo guztietan.