Argiartean, argiaren jaialdia
- Kultura
- 2023 Urr 03
Arte luminiko eta zuzeneko musika jaialdia
Urriaren 6an eta 7an, arratsaldeko 20:00etatik gauerdira arte, esperientzia artistiko ahaztezina izango duzu zain Memoriaren Parke berezian, Loiolako Erriberak auzoan: abangoardiako jaialdi horretan hainbat proposamen esperimental ikusi ahal izango dituzu ziur harrituko zaituen formatu batean.
Liluratzeko prest
Argiartean arte luminiko jaialdi sortu berria da eta jendea liluratzeko prest dago bere instalazio ligth-art deigarriekin, bere argi joko monumentalekin (eliza bateko horma zurian proiektatuak gaua eroritakoan) eta bere zuzeneko emanaldiekin.
Julio Garcíaren argi-instalazioa
Gaueko hitzordu ausart horretarako aukeratu diren lekuak Oroimenaren Lorategia eta Iesu eliza dira, Loiolako Erriberak auzoan biak. Bai lorategian bai elizaren barrualdean egitarau heterogeneo eta dinamikoa eskainiko da; bertan, hainbat diziplina (musika, poesia, bideo artea edota hizkuntzalaritza konputazionala) argi jokoekin batera nahasiko dira.
Bereziki sortutako lanak
Bi egun horietan aurkeztuko diren performance eta instalazio gehienak jaialdirako bereziki sortutako lanak direla azpimarratzekoa da, hori guztia inoiz estreinatu gabeko lankidetzei esker.
Esperientzia paregabe hau bizitzera gonbidatzen zaitugu, argiak eta soinuak goitik behera aldatuko baitute oso ezaguna ez den hiriko leku berezi bat. Loiolako Erriberetan Oroimenaren Lorategia aire zabaleko arte luminiko laborategi esperimental erraldoi bihurtuko da urriaren 6an eta 7an.
Las Synergys taldearen emanaldia
Sarrera doakoa da eta produktu gastronomikoak eta edariak dastatzeko foodtruckak ere egongo dira.
Huts egingo duzu hitzordua?
Eman begiratu bat edizio honen egitarau osoari